همسة .. مدونة ل..سمر
همسة
الاسم: سمرأحمد
البلد: مصر
التصنيفات : خاصة,أدب وكتب,تصاميم
| ► | يونيو 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | |||
"عادى اكون يتيمة روح من قبل الفطام بسنين"
****
صوت القطر ..
بيرعش حزنى من جوة
و انا ماشية الرصيف وحدى
و شئ جوايا بيقوللى
اخره ضمة الاوجاع
سكوت ساقع …
حلوة ريحة البارفان ؟
وحنان الضل ف جفونى؟؟
ولما انا حلوة ف عيونك
ليه تمشى ؟؟
ومش راجع؟
**
تشهد عليا الاماكن و الوشوش
ان كل شئ
اى شئ
واهم..
فاكر ضهرك المقطوم
صحيح صامد قدام الريح
و كتير مجاريح
و الريح منشار
عمال يحصد..
والليل تباريح…
قاسية لحظة الاعتراف
ومجبور تخاف
لكن صوتك
ببحة الاشتياق مخنوق
واياك تفوق
من سكرة الانهزام
لان الوعى بالمفقود
قيود
بتشدك لروحك
يسكت بوحك
قطمة ضهرك مخلياك مش شايف
وما بحبش الاصفر !!
لا ف ورد
و لا ضحكة
بتكرمش خد
ولاحتى ف برود صوتك
لما تسلم
…………
……..
و الغيرة
و خناقك ..
…….
تعودت العمر ان اسمعه يغنى .. و كانه صوت يسبح فى السحاب …
يغنى فتنصت حتى نبضات القلب
” متونس بيكى و كانك من دمى .. “
و لم تسامحك دموعى … / “على راحتى معاكى و كأنك امى .. “
لكنى سامحتك بكل ما فى الجرح من قلب ..
وبكيت .. كما بكيت دوما وانت معى/لست معى
سؤال على هامش الشجن : هل كنت ابدا معى ؟
عارف !!……هذه المرة حين غنى ” عارفه ”
لم اجد فى يدى عقدا من نجوم كما تعودت
فلم يأتى صوتك بعدها …
” ايدك خليها ف ايدى انا طفل كبير .. “
ذكريات
و هل يمكن لروحى ان تضع عند بوابات الحنان بعيونك لافتة ..
مكتوب عليها .. اصبح ذكرى ؟!!
على ارائك الحكى اترك وشاحى .. و اذهب لاتى اليك بدفتر اسرار الغزالة
فاجدك تحاول بلا كلل ترويض فرس الليالى الجموح … ناسيا او متناسيا
ان العمر طير مهاجر .. لا يعود الى نفس الشاطئ ابدا
عيثا احاول غزل الكلمات بينما خيوط الامانى تطير مع ريح الفقد العاتية
و اجدك بلا بوصله تهديك تصارع تنين الموج و تهذى …
فلا تجيب الا الاصداف .. التى فقدت لؤلؤها ذ
